Жаңалықтар

Сыбайлас жемқорлық тәуекелдеріне ішкі талдау нәтижелерін жария талқылауды өткізу туралы

Сыбайлас жемқорлық тәуекелдеріне ішкі талдау (СЖТІТ) нәтижелерінің ашықтығы мен жариялылығын қамтамасыз ету, сондай-ақ мүдделі тұлғаларға жүргізілген талдау нәтижелерімен танысуға және оларды жария талқылауға қатысуға мүмкіндік беру мақсатында «Солтүстік Қазақстан облысы әкімдігінің ветеринария басқармасы» КММ «Тимирязев ауданының ветеринариялық станциясы» ШЖҚ КМК сыбайлас жемқорлық тәуекелдеріне ішкі талдау нәтижелерін жария талқылау өткізілетінін хабарлайды.

2026 жылғы 23 қыркүйекте «Солтүстік Қазақстан облысы әкімдігінің ветеринария басқармасы» КММ «Тимирязев ауданының ветеринариялық станциясы» ШЖҚ КМК-да жүргізілген сыбайлас жемқорлық тәуекелдеріне ішкі талдау нәтижелерін жария талқылау өткізіледі.

Өткізілетін орны: «Солтүстік Қазақстан облысы әкімдігінің ветеринария басқармасы» КММ «Тимирязев ауданының ветеринариялық станциясы» ШЖҚ КМК ғимараты.

Мекенжайы: Солтүстік Қазақстан облысы, Тимирязев ауданы, Тимирязево ауылы, Целинная көшесі, 13 Б.

Жария талқылауды өткізу туралы ақпарат және сыбайлас жемқорлық тәуекелдеріне ішкі талдау нәтижелері 2026 жылғы 16 қыркүйекте кәсіпорынның ресми интернет-ресурсында орналастырылды.

Мүдделі тұлғаларды жария талқылауға қатысуға, жүргізілген талдау нәтижелерімен танысуға, сондай-ақ өз ұсыныстары мен ескертулерін білдіруге шақырамыз.

Жария талқылауды өткізу сыбайлас жемқорлық тәуекелдеріне ішкі талдау нәтижелерін қарау барысында ашықтық, жариялылық қағидаттарын қамтамасыз етуге және мүдделі тұлғалардың пікірлерін ескеруге бағытталған.

ҚҰС ТҰМАУЫ ЖӘНЕ НЬЮКАСЛ АУРУЫ

Тимирязев ауданының ветеринариялық станциясы үй құстарын ұстайтын тұрғындарға құс тұмауы мен Ньюкасл ауруының алдын алу шараларын сақтаудың маңыздылығын ескертеді.

Құс тұмауы – құстардың жіті жұқпалы вирустық ауруы. Аурудың таралуына жабайы, әсіресе су құстарының үй құстарымен байланысы себеп болуы мүмкін.

Ньюкасл ауруы – құстардың тыныс алу, ас қорыту және жүйке жүйелерін зақымдайтын, жоғары жұқпалылығымен және құстардың жаппай қырылуымен сипатталатын вирустық ауру. Оның алдын алудың негізгі шараларының бірі – ветеринариялық талаптарға сәйкес вакцинация жүргізу.

Алдын алу үшін:

• үй құстарының жабайы және синантропты құстармен байланысын болдырмау;

• құстарды мүмкіндігінше жабық жағдайда ұстау;

• жаңадан сатып алынған құстарды 10 күн оқшаулап, олардың жағдайын бақылау;

• құс қораларын, құрал-жабдықтарды тұрақты түрде тазалап, дезинфекциялау;

• жем мен судың жабайы құстармен ластануына жол бермеу;

• құстарды белгіленбеген жерлерден сатып алмау;

• ветеринариялық мамандардың ұсынымдарына сәйкес Ньюкасл ауруына қарсы профилактикалық вакцинация жүргізу.

Құс арасында ауру белгілері байқалған немесе құстардың жаппай қырылуы орын алған жағдайда дереу мемлекеттік ветеринариялық қызметке хабарлау қажет. Ауру немесе өлген құсты өз бетінше ұстап, тасымалдауға, сатуға немесе пайдалануға болмайды.

Құрметті аудан тұрғындары!
Ветеринариялық талаптарды сақтау, құстарды вакцинациялау және санитариялық шараларды уақытылы жүргізу – қауіпті аурулардың таралуына жол бермеудің негізгі кепілі.

Тимирязев ауданының ветеринариялық станциясы

Тимирязев ауданының ветеринариялық станциясы аудан тұрғындарына жекелеген азаматтар санаттарына үй жануарларын тегін чиптеу мүмкіндігі қарастырылғанын хабарлайды.

Чиптеу – үй жануарларын сәйкестендірудің заманауи және қауіпсіз әдісі. Процедура барысында жануардың тері астына арнайы микрочип енгізіледі. Микрочипте жануарға берілетін бірегей сәйкестендіру нөмірі сақталады. Бұл мәліметтер тиісті ақпараттық базаға енгізіледі.

Үй жануарларын чиптеу жануар жоғалған немесе басқа жағдайларда оның иесін анықтауға, сондай-ақ жануардың тиесілігін растауға мүмкіндік береді.

Қолданыстағы заңнамаға сәйкес, азаматтардың жекелеген санаттарына үй жануарларын тегін чиптеу қызметі көрсетіледі.

Тегін қызмет алу үшін азаматтар Тимирязев ауданының ветеринариялық станциясына жүгініп, жеке басын куәландыратын құжатты, жануарға қатысты қажетті құжаттарды және жеңілдік санатына жататынын растайтын құжаттарды ұсынуы қажет.

Чиптеу алдында ветеринариялық маман жануарды тексеріп, процедураны жүргізу мүмкіндігін анықтайды. Чиптеу ветеринариялық талаптарды сақтай отырып жүргізіледі.

Құрметті үй жануарларының иелері!

Үй жануарларын уақытылы сәйкестендіру – олардың қауіпсіздігін қамтамасыз етудің және жоғалған жағдайда иесіне қайтару мүмкіндігін арттырудың маңызды шараларының бірі.

Тегін чиптеу қызметін алу тәртібі, жеңілдік санаттары, қажетті құжаттар және алдын ала жазылу мәселелері бойынша Тимирязев ауданының ветеринариялық станциясына хабарласуыңызды сұраймыз.

Тимирязев ауданының ветеринариялық станциясы

Тимирязев ауданының ветеринариялық станциясы ветеринария саласында ақпараттық жүйелерді қолдану туралы хабарлайды.

Қазіргі таңда ветеринариялық қызметте цифрлық технологиялардың маңызы артып келеді. Ақпараттық жүйелер жануарларды есепке алуға, олардың иелері туралы мәліметтерді сақтауға, ветеринариялық іс-шаралар мен диагностикалық зерттеулер нәтижелерін тіркеуге мүмкіндік береді.

Негізгі жүйелердің бірі – «Ауыл шаруашылығы жануарларын бірдейлендіру» ақпараттық жүйесі (АШЖБ). Жүйеде жануардың жеке сәйкестендіру нөмірі, түрі, жынысы, түсі, жасы, иесі және жүргізілген ветеринариялық іс-шаралар туралы мәліметтер енгізіледі.

Сонымен қатар ветеринария саласында «Ветеринариялық қауіпсіздік», «Республикалық ветеринариялық зертхана», «Республикалық эпизоотияға қарсы отряд», «Процессингтік орталық», «Ветеринариялық-санитариялық сараптама» сияқты ақпараттық жүйелер мен модульдер қолданылады.

Ақпараттың дұрыс әрі уақтылы енгізілуі ветеринариялық есептің жүргізілуіне, жануарлардың қозғалысын бақылауға және эпизоотиялық жағдайды бағалауға мүмкіндік береді.

Құрметті аудан тұрғындары!
Ауыл шаруашылығы жануарлары туралы мәліметтер өзгерген жағдайда, ақпаратты уақытылы өзектендіру және түзету үшін ветеринариялық станцияға жүгінулеріңізді сұраймыз.

Тимирязев ауданының ветеринариялық станциясы

Тимирязев ауданының ветеринариялық станциясы аудан тұрғындарына ветеринария саласында көрсетілетін мемлекеттік қызметтер туралы хабарлайды.

Қазіргі уақытта ветеринариялық станция төмендегі 3 мемлекеттік қызметті көрсетеді:

1. Ветеринариялық анықтама беру
Ветеринариялық анықтама ветеринария саласындағы қолданыстағы заңнамада көзделген жағдайларда, оның ішінде жануарларды және жануарлардан алынатын өнімдерді тасымалдау кезінде беріледі.

2. Ветеринариялық паспорт беру
Ветеринариялық паспортта жануарды сәйкестендіруге және оның ветеринариялық жағдайына қатысты мәліметтер көрсетіледі.

3. Ауыл шаруашылығы жануары туралы мәліметтерді өзектендіру (түзету)
Бұл қызмет ауыл шаруашылығы жануары туралы ақпаратты ақпараттық дерекқорда жаңартуға немесе түзетуге мүмкіндік береді. Оның ішінде жануардың иесі, сәйкестендіру нөмірі және басқа да қажетті мәліметтер нақтыланады.

Мемлекеттік қызметтер Қазақстан Республикасының қолданыстағы заңнамасына сәйкес көрсетіледі.

Құрметті Тимирязев ауданының тұрғындары!
Мемлекеттік қызметтерді алу тәртібі және қажетті құжаттар туралы толық ақпарат алу үшін Тимирязев ауданының ветеринариялық станциясына хабарласуларыңызды сұраймыз.

Жануарлар туралы мәліметтерді уақытылы жаңарту және қажетті ветеринариялық құжаттарды рәсімдеу – ветеринариялық-санитариялық қолайлылықты қамтамасыз етудің маңызды шараларының бірі.

Тимирязев ауданының ветеринариялық станциясы

2026 жылғы 10 қыркүйек пен 30 қыркүйек аралығында Тимирязев ауданының ветеринариялық станциясында сыбайлас жемқорлық тәуекелдеріне ішкі талдау жүргізіледі.

Талданатын кезең:

• 2025 жылғы III–IV тоқсандар;
• 2026 жылғы I–II тоқсандар.

Ішкі талдау барысында ветеринариялық станцияның қызметіне сыбайлас жемқорлық тәуекелдерінің туындау ықтималдығы тұрғысынан бағалау жүргізіліп, сыбайлас жемқорлық құқық бұзушылықтарының алдын алу және тәуекелдерді барынша азайту мәселелері қарастырылады.

Талдау қорытындысы бойынша тиісті қорытындылар жасалып, анықталған сыбайлас жемқорлық тәуекелдерін жоюға және антикоррупциялық тетіктерді жетілдіруге бағытталған ұсынымдар әзірленеді.

Жүргізу мерзімі: 10.09.2026 – 30.09.2026 ж.
Талданатын кезең: 2025 жылғы III–IV тоқсандар, 2026 жылғы I–II тоқсандар.

Іс-шаралар аясында ауыл шаруашылығы жануарларынан **қан сынамаларын алу** жүргізілуде.
Қазақстан Республикасының **«Ветеринария туралы» Заңының 25-бабына** сәйкес, жануарлардың иелері өз жануарларына уақтылы диагностикалық зерттеулер жүргізілуін қамтамасыз етуге және ветеринариялық іс-шараларды жүргізу кезінде ветеринария саласындағы мамандарға жәрдем көрсетуге міндетті.
**Ауыл шаруашылығы жануарларының иелерінен диагностикалық зерттеулер жүргізу үшін малдарын уақытылы ұсынуды және ветеринариялық мамандарға қолдау көрсетуді сұраймыз.**
Түсіністік пен ынтымақтастықтарыңыз үшін рақмет!

2026 жылғы 10 тамызда Тимирязево ауданының ветеринариялық станциясына жануарларды аса қауіпті ауруларға қарсы профилактикалық вакцинациялау үшін вакциналар партиясы келіп түсті.

• Вакцинация жануарлар арасында аурулардың алдын алу және ауданның ветеринариялық әл-ауқатын қамтамасыз ету мақсатында жүргізіледі.

Іс-шара барысында:

шөп шабу жұмыстары жүргізілді;

алаң аумағы тазартылды;

қоқыс жиналып, аумақ абаттандырылды.

Осындай игі шаралар ауылымыздың тазалығы мен көркеюіне өз үлесін қосып, тұрғындардың жайлы өмір сүруіне ықпал етеді. Барлық сенбілікке қатысушыларға белсенділіктері мен еңбектері үшін алғысымызды білдіреміз!

2026 жылғы 5 тамызда сағат 9:30-де Facebook желісінде тікелей эфир өтеді.

Тақырыбы:

Тимирязев ауданының ветеринариялық станциясы 2026 жылғы шілде айында көрсеткен мемлекеттік қызметтер бойынша аналитикалық анықтама.

Спикер: комплаенс-қызметінің маманы Назыров О.Т.

Тікелей эфирге қосылып, өз сұрақтарыңызды қоюға шақырамыз!

Тимирязев ауданының ветеринариялық станциясы

Адал жұмыстың қағидаттары:

Заңдылық

Адалдық

Ашықтық

Әділдік

Сыбайлас жемқорлыққа мүлдем төзбеушілік

Егер сіз сыбайлас жемқорлық фактісіне тап болсаңыз:

Сыбайлас жемқорлыққа қарсы қызметтің Call-орталығы — 1424

(қоңырау шалу тегін, тәулік бойы сыбайлас жемқорлық құқық бұзушылықтары туралы хабарламалар қабылданады).

«Тимирязев ауданының ветеринариялық станциясы» ШЖҚ КМК аудан тұрғындарына жыртқыш жануарлардың эхинококкозы және басқа да паразиттік ауруларының алдын алу бойынша ветеринариялық-санитариялық талаптарды сақтаудың маңыздылығын еске салады.

Эхинококкоз – адам мен жануарларға ортақ қауіпті паразиттік ауру. Оның қоздырғышы – Echinococcus granulosus таспа құрты. Паразиттің негізгі иелері – иттер, қасқырлар, түлкілер және басқа да жыртқыш жануарлар. Аралық иелері – ірі қара мал, қой, ешкі, жылқы және басқа ауыл шаруашылығы жануарлары, сондай-ақ адам.

Паразиттің ересек түрі иттердің ішегінде тіршілік етеді. Жұмыртқалары нәжіспен бірге сыртқы ортаға бөлініп, жайылымдарды, су көздерін, топырақты және мал азығын ластайды. Ауыл шаруашылығы жануарлары паразит жұмыртқаларын азықпен немесе сумен бірге жұқтырады. Адамға ауру көбіне ауру иттермен жанасу кезінде немесе жеке бас гигиенасы талаптарын сақтамаған жағдайда жұғады.

Эхинококкоздың қауіптілігі – паразиттің дернәсілдері адам мен жануарлардың бауыры, өкпесі және басқа ішкі ағзаларында киста түзіп, ұзақ уақыт бойы ешқандай клиникалық белгілерсіз дамуы мүмкін. Кейіннен бұл ауыр асқынуларға әкеліп, хирургиялық емдеуді қажет етеді.

Эхинококкоздан басқа, иттер мен басқа да жыртқыш жануарлар токсокароз, дипилидиоз және өзге паразиттік аурулардың таралу көзі болуы мүмкін. Сондықтан үй жануарларын дұрыс күтіп-бағу және ветеринариялық профилактикалық іс-шараларды уақытылы жүргізу аса маңызды.

Эхинококкоздың және басқа паразиттік аурулардың алдын алу үшін:

• иттер мен басқа да жыртқыш жануарларға тоқсан сайын дегельминтизация жүргізу;
• ауыл шаруашылығы жануарларының ішкі ағзаларын ветеринариялық тексерусіз иттерге бермеу;
• паразиттермен зақымданған ағзаларды ветеринариялық-санитариялық талаптарға сәйкес жою;
• қаңғыбас иттердің санын көбейтуге жол бермеу;
• жануарлармен жанасқаннан кейін қолды сабынмен мұқият жуу;
• көкөністерді, жемістерді және жидектерді қолданар алдында жақсылап жуу;
• ауыл шаруашылығы жануарларын уақытылы ветеринариялық тексеруден өткізу қажет.

Қазақстан Республикасының ветеринариялық талаптарына сәйкес үй иттерін жылына кемінде төрт рет дегельминтизациялау ұсынылады. Бұл эхинококкоздың және басқа паразиттік аурулардың таралу қаупін едәуір төмендетеді.

Құрметті Тимирязев ауданының тұрғындары!

Үй жануарларын жауапкершілікпен күтіп-бағу, ветеринариялық-санитариялық талаптарды сақтау және ветеринариялық мамандардың ұсынымдарын орындау – эхинококкоздың және басқа да паразиттік аурулардың алдын алудың негізгі шарты.

Қосымша ақпарат алу немесе профилактикалық өңдеу жұмыстарын жүргізу мәселелері бойынша «Тимирязев ауданының ветеринариялық станциясы» ШЖҚ КМК мамандарына хабарласуыңызды сұраймыз. Бірлескен күш-жігеріміз арқылы ауданымыздың ветеринариялық-санитариялық қауіпсіздігін қамтамасыз етіп, адам мен жануарлардың денсаулығын сақтай аламыз.